تازہ ترین خبریں رمضان میں 7- 4- 2014 پہلا جمعہ

رمضان کریم کا پہلا جمعہ،نماز کے اجتماعات کیلئے سخت سیکیورٹی

کراچی/اسلام آباد/کوئٹہ/پشاور/لاہور(جولائی 2014ء)رمضان کریم کا آج پہلا جمعتہ المبارک ہے، آج کے دن کی مناسبت سے شہر شہر بڑے بڑے اجتماعات کا اہتمام کیا گیا ہے، تاہم ممکنہ دہشت گرد سے بچنے کيلئے کے نماز جمعہ کے موقع پر سیکیورٹی انتظامات بھی انتہائی سخت کرنے کا فیصلہ کیا گیا ہے۔ کراچی سے لے کر اسلام آباد اور لاہور سے پشاور اور کوئٹہ تک آج روح پرور اجتماعات ہوں گے، ماہ صیام کے پہلے جمعہ المبارک کے موقع پر سیکیورٹی کا کڑہ پہرہ ہوگا۔ کراچی میں بڑی مساجد کے اطراف پولیس اور قانون نافذ کرنے والے اہل کاروں کی اضافی نفری تعینات ہوگی۔

کسی بھی ناخوشگوار واقعہ سے نمٹنے کیلئے حکومت پنجاب نے بھی سیکیورٹی سخت کررکھی ہے۔ وزارت داخلہ کی جانب سے رمضان المبارک کے دوران دہشت گردی کے خطرے کی وارننگ کے بعد پہرہ مزید سخت کردیا گیا ہے۔

بادشاہی مسجد سمیت دیگر مساجد اور امام بارگاہوں کے اطراف سیکیورٹی اہلکار پہرہ دیں گے۔ اسلام آباد، پشاور اور کوئٹہ سمیت دیگر چھوٹے بڑے شہروں میں سیکیورٹی کے فول پروف انتظامات کیے جارہے ہیں۔ رمضان کریم کے آج پہلے جمعتہ المبارک کے موقع پر عوام سے بھی چوکنا رہنے کی اپیل کی گئی ہے۔